CLC - Explore The Story

‘hide view options’ hides the buttons for changing how the text displays.

‘background’ cycles through the background colours.

‘text’ cycles through the text colours.

‘space’ makes the text spacing wider.

‘breaks’ hides line breaks and shows three more buttons.

‘numbers’ toggles the display of line numbers.

‘a-’ reduces the text size.

‘a+’ increases the text size.

Press anywhere to remove this help.

tribūnus

Agricola, ubi hoc vīdit, custōdēs iussit Quīntum auferre
medicumque arcessere. tum ad tribūnum mīlitum, quī adstābat,
sē vertit.
    'mī Rūfe', inquit, 'prūdentissimus es omnium tribūnōrum
5  quōs habeō. tē iubeō hunc hominem summā cum cūrā
interrogāre.'
    Salvius, cum Rūfus exiisset, valdē commōtus,
    'omnia explicāre possum', inquit. 'nōtus est mihi hic homō.
nūper in vīllā mē vīsitāvit, quamquam nōn invītāveram. trēs
10  mēnsēs apud mē mānsit, opēs meās dēvorāns. duōs tripodas
argenteōs habēbam, quōs abstulit ut Cogidubnō daret. sed eum
nōn accūsāvī, quod hospes erat. ubi tamen Aquās Sūlis mēcum
advēnit, facinus scelestum committere temptāvit. venēnum
parāvit ut Memorem, haruspicem Rōmānum, necāret. postquam
15  rem nōn effēcit, mē ipsum accūsāvit. nōlī eī crēdere. multō
perfidior est quam Britannī.'
    haec cum audīvisset, Agricola respondit,
    'sī haec fēcit, eī moriendum est.'
    mox revēnit Rūfus valdē attonitus.
20      'Quīntus Caecilius', inquit, 'est iuvenis summae fideī. patrem
meum, quem Alexandrīae relīquī, bene nōverat. hoc prō certō
habeō quod Quīntus hanc epistulam mihi ostendit, ā patre ipsō
scrīptam.'
    Agricola statim Quīntum ad sē vocāvit, cēterōsque dīmīsit.
25  Salvius, Quīntum dētestātus, anxius exiit. Agricola cum Quīntō
colloquium trēs hōrās habēbat.

— ◊ —

Click a word to see its meaning, or select a word with the arrow keys.

This activity is designed for the UK 4th Edition.