CLC - Explore The Story

‘hide view options’ hides the buttons for changing how the text displays.

‘background’ cycles through the background colours.

‘text’ cycles through the text colours.

‘space’ makes the text spacing wider.

‘breaks’ hides line breaks and shows three more buttons.

‘numbers’ toggles the display of line numbers.

‘a-’ reduces the text size.

‘a+’ increases the text size.

Press anywhere to remove this help.

polyspaston II

Salvius:(spectāculō attonitus) dī immortālēs! tōtam urbem
vidēre possum. ecce templum Iovis! ecce flūmen!
ecce amphitheātrum Flāvium et arcus novus! quam
in sōle fulget! Imperātor, simulatque illum arcum
5  vīdit, summā admīrātiōne affectus est. mihi
imperāvit ut grātiās suās tibi agerem.
Haterius:magnopere gaudeō quod opus meum ab Imperātōre
laudātum est. sed praemium illud quod tū mihi
prōmīsistī nōndum accēpī.
Salvius:10  (vōce blandā) dē sacerdōtiō tuō, Imperātōrem iam
saepe cōnsuluī, et respōnsum eius etiam nunc
exspectō. aliquid tamen tibi intereā offerre possum.
agellum quendam possideō, quī prope sepulcra
Metellōrum et Scīpiōnum situs est. tūne hunc
15  agellum emere velīs?
Haterius:(magnō gaudiō affectus) ita vērō, in illō agellō, prope
sepulcra gentium nōbilissimārum, ego quoque
sepulcrum splendidum mihi meīsque exstruere
velim, figūrīs operum meōrum ōrnātum; ita enim
20  nōmen factaque mea posterīs trādere possum. prō
agellō tuō igitur sēstertium vīciēns tibi offerō.
Salvius:(rīdēns, quod agellus eī grātīs ab Imperātōre datus erat)
agellus multō plūris est, sed quia patrōnus sum tuus
tibi faveō. mē iuvat igitur sēstertium tantum trīciēns
25  ā tē accipere. placetne tibi?
Haterius:mihi valdē placet.

Haterius fabrīs imperāvit ut tignum lentē dēmitterent. ambō humum
rediērunt, alter spē immortālitātis dēlectātus, alter praesentī pecūniā
contentus.

— ◊ —

Click a word to see its meaning, or select a word with the arrow keys.

This activity is designed for the UK 4th Edition.